ລ້ຽງຊີບດ້ວຍໂຕເອງ ເຫດຜົນທີ່ເລືອກເຮັດທຸລະກິດ

ທ່ານ ຢາມາໂມໂຕະ ເລືອກທີ່ຈະເລີ່ມຕົ້ນເສັ້ນທາງອາຊີບໃນຖານະໂປແກມເມີ້ ໂດຍຕັດສິນໃຈເຂົ້າເຮັດວຽກທີ່ບໍລິສັດຊອບແວຂະໜາດນ້ອຍໃນເມືອງ ຮາມາມັດສຶ ເຊິ່ງເປັນບ້ານເກີດຂອງເພິ່ນເອງ ບໍລິສັດແຫ່ງນີ້ກໍ່ຕັ້ງຂື້ນໂດຍກຸ່ມຜູ້ສຳເລັດການສຶກສາຈາກມາຫາໄລໂຕກຽວ ແລະ ມະຫາໄລກຽວໂຕ ເຊິ່ງເຄີຍເຮັດວຽກເປັນວິສະວະກອນໃນບໍລິສັດໃຫ່ຍ ແລະ ກຳລັງຢູ່ໃນຊ່ວງເຕີບໄຕເປັນປີທີ່ 7 ໂດຍຖືເປັນບໍລິສັດທີ່ມີຊື່ສຽງຫຼາຍໃນຍຸກນັ້ນ ດ້ວຍອັດຕາການຜ່ານເຂົ້າເຮັດວຽກບໍ່ຮອດ 1% ເລິຍ

ທ່ານ ຢາມາໂມໂຕະ ມີຄວາມປະທັບໃຈໃນບໍລິສັດນີ້ຫຼາຍ ເພາະເຫັນວ່າເປັນກຸ່ມຜູ້ຊ່ຽວຊານທີ່ມີທັກສະສູງ ຈຶ່ງຢາກເຮັດວຽກບ່ອນນັ້ນໃຫ້ໄດ້ ໃນການສຳພາດຮອບສຸດທ້າຍ ທ່ານສະແດງຄວາມມຸ່ງໝັ່ນໂດຍເວົ້າວ່າ “ບໍ່ຕ້ອງຈ່າຍເງິນເດືອນໃຫ້ເພິ່ນ ຂໍແຕ່ໃຫ້ເພິ່ນໄດ້ຝຶກຝົນຈົນເຮັດວຽກໄດ້ແທ້ ແລ້ວຄ່ອຍຈ່າຍເງິນເດືອນທີຫຼັງ ເພິ່ນຕັ້ງໃຈວ່າຈະອອກໄປເຮັດທຸລະກິດຂອງຕົນເອງໃນອານາຄົດ ຂໍແຕ່ໃຫ້ໄດ້ເຂົ້າເຮັດວຽກ”

ຄວາມຕັ້ງຂອງເພິ່ນສື່ເຖິງຜູ້ບໍລິຫານໄດ້ດີ ຈົນເຮັດໃຫ້ໄດ້ຮັບການຈ້າງງານ ແລະ ໄດ້ເລີ່ມຕົ້ນເສັ້ນທາງການເຮັດວຽກໃນບໍລິສັດນີ້ ການທີ່ເພິ່ນເວົ້າວ່າ “ບໍ່ຕ້ອງຈ່າຍເງິນເດືອນ” ໃນການສຳພາດແມ່ນສຸດຍອດຫຼາຍ ແຖມຍັງບອກວ່າ “ຕັ້ງໃຈຈະອອກໄປເຮັດທຸລະກິດຂອງຕົນເອງ” ໃນການສຳພາດງານ ຖືວ່າເປັນຄຳເວົ້າທີ່ຕ້ອງໃຊ້ຄວາມກ້າ ແລະ ຄວາມໝັ່ນໃຈໃນຕົວເອງຫຼາຍ.

ຫຼັງຈາກໄດ້ເຮັດວຽກໃນບໍລິສັດທີ່ຕ້ອງການແລ້ວ ທ່ານ ຢາມາໂມໂຕະ ໄດ້ທຸ່ມເທໃນການສະສົມປະສົບການໃນຖານະວິສະວະກອນ ໂດຍເຮັດວຽກຈົນເດິກຫຼາຍຄັ້ງ ແຕ່ຄວາມມ່ວນໃນການທີ່ເພິ່ນສາມາດເຮັດສິ່ງທີ່ບໍ່ເຄີຍເຮັດມາກ່ອນ ເຮັດໃຫ້ເພິ່ນຫຼົງໄຫຼ ແລະ ບໍ່ຮູ້ສຶກວ່າເປັນຄວາມລຳບາກ

ເມື່ອໄດ້ເຫັນຮູ່ນອ້າຍທີ່ມີທັກສະສູງບໍ່ປະສົບຜົນສຳເລັດຫຼັງຈາກອອກໄປເຮັດວຽກຕົນເອງ ທ່ານ ຢາມາໂມໂຕະ ເລີ່ມຄິດວ່າ “ຖ້າຄົນເກັ່ງໆ ແບບນັ້ນຍັງລຳບາກ ການທີ່ເຮົາຈະອອກໄປເຮັດເອງກໍຄືຈະບໍ່ງ່າຍ” ນອກຈາກນີ້ ໃນການເຮັດວຽກແຕ່ລະມື້ ເພິ່ນຍັງຮູ້ສຶກວ່າ “ຄືສິບໍ່ແມ່ນຄົນທີ່ຊ່ຽວຊານເຖິງຂະໜາດເປັນຜູ້ຊ່ຽວຊານໃນສາຍວິສະວະກອນ” ຫຼັງຈາກເຮັດວຽກໄປບໍ່ຮອດ 3 ປີ ເພິ່ນຈຶ່ງຕັດສິນໃຈຍົກເລີກແຜນການເຮັດທຸລະກິດໃນສາຍນີ້.

ທ່ານ ຢາມາໂມໂຕະ ໄດ້ເລັ່ງເປົ້າໝາຍເຫັນຕໍ່ໄປຄືການເຮັດທຸລະກິດໃນວົງການກິລາ ໂດຍເລືອກທີຈະໃຊ້ທັກສະທີ່ເພິ່ນຖະນັດຄືການຫຼີ້ນເທນນິດໃນການຫາລ້ຽງຊີບ ເພິ່ນຕັດສິນໃຈປ່ຽນງານໄປເຮັດທີ່ສະໂມສອນເທນນິດ ເຖິງວ່າການເລືອກງານທີ່ບໍ່ຄາດຝັນນີ້ເຮັດໃຫ້ຄົນອ້ອມຂ້າງຕົກໃຈ ແຕ່ ເພິ່ນກໍບໍ່ມີຄວາມຄິດທີ່ວ່າການຕັດສິນໃຈນີ້ເປັນການເສຍໂອກາດທາງການສຶກສາ ຫຼື ປະສົບການ ການເຮັດວຽກທີ່ຜ່ານມາຂອງເພິ່ນ ເບິ່ງແຕ່ວ່າພຽງອານາຄົດຂ້າງໜ້າ ແລະ ບໍ່ໄດ້ຫວນກັບໄປຍັງ ອາດີດ ແຕ່ຫຼັງຈາກເຮັດວຽກເປັນໂຄດເທນນິດໄດ້ 1ປີເຄິ່ງ ເພິ່ນກັບຄົ້ນພົບວ່າວຽກສອນຄົນອື່ນບໍ່ເໝາະສົມກັບຕົນເອງ.

ຈາກນັ້ນ ທ່ານ ຢາມາໂມໂຕະ ຈຶ່ງຕັງເປົ້າໝາຍໃໝ່ດ້ວຍການເສັງເພື່ອເປັນກົດໝາຍດ້ານປະກັນສັງຄົມ ເຊິ່ງເປັນອາຊີບທີ່ສາມາດເຮັດວຽກເປັນອິດສະຫຼະໄດ້ ຫຼັງຈາກເສັງຜ່ານ ເພິ່ນໄດ້ຮຽນຮູ້ວິຊາອາຊີບຜ່ານການເຮັດວຽກໃນສຳນັກງານກົດໝາຍສ່ວນບຸກຄົນ ໂດຍເຮັດວຽກໃນສານນີ້ເປັນເວລາ 2ປີ ແຕ່ເພິ່ນກໍບໍ່ສາມາດຈິນຕະນາການວ່າຈະເຮັດວຽກທີ່ຊຳຊາກແບບນີ້ຕໍ່ໄປຕະຫຼອດຊີວິດໄດ້ ເພິ່ນຈຶ່ງຕັດສິນໃຈທີ່ຈະຢຸດເຮັດວຽກໃນສາຍນີ້ອີກຄັ້ງ. ຫຼັງຈາກນັ້ນ ເພິ່ນໄດ້ຮັບເຊີນຈາກບໍລິສັດຂະໜາດນ້ອຍເຊິ່ງກຳລັງປະສົບບັນຫາດ້ານການສືບທອດຕຳແໜ່ງຜູ້ນຳໃຫ້ເຂົ້າມາເຮັດວຽກໃນຖານະຜູ້ສືບທອດຕຳແໜ່ງປະທານ ແຕ່ການເຂົ້າມາເຮັດວຽກກະທັນຫັນໃນຖານະຜູ້ທີ່ບໍ່ຮູ້ຫຍັງເລີຍກ່ຽວກັບບໍລິສັດມາກ່ອນເຮັດໃຫ້ ເພິ່ນຮູ້ສຶກມີໄລຍະຫ່າງລະຫວ່າງເພິ່ນກັບພະນັກງານຄົນອື່ນ ເຖິງວ່າພະຍາຍາມເຮັດວຽກຢູ່ເປັນເວລາ 1ປີເຄິ່ງ ແຕ່ໃນທີ່ສຸດກໍ່ຮູ້ສຶກວ່າ “ການສືບທອດບໍລິສັດທີ່ຄົນອື່ນສ້າງຂື້ນມານັ້ນບໍ່ແມ່ນສິ່ງທີ່ຕົນເອງຕ້ອງການ ຄຸນຄ່າທີ່ແທ້ຈິງຢູ່ທີ່ການສ້າງບາງສິ່ງຂື້ນມາຈາກສູນ”

“ຂ້ອຍເຊື່ອວ່າສ່ວນໃຫ່ຍແລ້ວໃນໄວ 20ປີ ເຮົາບໍ່ຮູ້ວ່າຕ້ອງການເຮັດຫຍັງ ຫຼື ຖະນັດຫຍັງ ການເຄື່ອນໄຫວ ແລະ ຫຼົມເຫຼວຈະຊ່ວຍໃຫ້ເຮົາຄົ້ນພົບຕົວເອງທີ່ແທ້ຈິງຂອງເຮົາ ໄດ້ຫຼາຍກວ່າການມົວແຕ່ນັ່ງຄິດ ຂ້ອຍເຊື່ອວ່າຂ້ອຍພະຍາຍາມເຮັດທຸກຢ່າງ ຢ່າງຈິງຈັງ ແຕ່ສຸດທ້າຍກໍ່ບໍ່ໄດ້ເຮັດສິ່ງນັ້ນແລ້ວ ຫາກໄດ້ຮຽນຮູ້ຫຍັງບາງຢ່າງກໍ່ຄ່ອຍໆເປັນຄ່ອຍໆໄປ ຕັດສິ່ງທີ່ບໍ່ເໝາະສົມແລະ ສິ່ງທີ່ບໍ່ມີຄວາມສົນໃຈອອກໄປເທື່ອລະຢ່າງໃນຊ່ວງໄວ 20 ປີ” (ທ່ານ ຢາມາໂມໂຕະ)

ໃນທີ່ສຸດ ເມື່ອເພິ່ນຕັດສິນໃຈເລີ່ມຕົ້ນທຸລະກິດໃນສາຍອິນເຕີເນັດ ທັກສະການຂຽນໂປແກມທີ່ເພິ່ນເຄີຍຮຽນມາໃນຊ່ວງທີ່ເຮັດວຽກທີ່ບໍລິສັດທຳອິດກັບກາຍເປັນຈູດແຂງທີ່ເຮັດໃຫ້ເພິ່ນປະສົບຜົນສຳເລັດໃນພາຍຫຼັງ “ຂ້ອຍຄິດວ່າທັກສະນີ້ຍັງຄົງຢູ່ ເພາະເປັນທັກສະທີ່ຂ້ອຍຮຽນຮູ້ມາຢ່າງຕັ້ງໃຈໃນຊ່ວງເວລາ 3ປີທີ່ເຮັດວຽກຢ່າງໜັກ ຂ້ອຍບໍ່ເຄີຍຄິດວ່າຈະກັບມາໃນສາຍນີ້ອີກ ແຕ່ເຖິງວ່າຈະມີຊ່ວງເວລາຫ່າງຫາຍເຖິງ 7ປີ ທັກສະການຂຽນໂປແກມກໍກັບມາທັນທີ ຂ້ອຍຕ້ອງຂອບໃຈບໍລິສັດທີ່ໃຫ້ໂອກາດຮຽນຮູ້ ແລະ ຂອບໃຈລຸຸ້ນອ້າຍທີ່ສອນວຽກໃຫ້ຂ້ອຍ” (ທ່ານ ຢາມາໂມໂຕະ)

ປະສົບການທີ່ໄດ້ຈາກການຄົ້ນພົບວ່າຕົນເອງບໍ່ເໝາະສົມກັບການສອນ ຄວາມຮູ້ດ້ານກົດໝາຍແຮງງານຈາກການເປັນນັກກົດໝາຍປະກັນສັງຄົມ ແລະ ປະສົບການໃນການເຮັດວຽກໃນການເຮັດວຽກເປັນຜູ້ສືບທອດຕຳແໜ່ງປະທານ ລ້ວນເປັນປະສົບການທີ່ມີຄຸນຄ່າສຳລັບການເປັນຜູ້ປະກອບການໃນອານາຄົດ ການທີ່ ທ່ານ ຢາມາໂມໂຕະ ກ້າທີ່ຈະຖິ້ມເສັ້ນທາງອາຊີບທີ່ເຄີຍຍ່າງມາກໍ່ເປັນການພິສູດວ່າເຂົາປະເຊີນໜ້າກັບຄວາມຈິງຂອງຕົນເອງ ແລະ ປັບປ່ຽນທິດທາງໄປໃນເສັ້ນທາງທີ່ເໝາະສົມ ນອກຈາກນີ້ ການທີ່ເພິ່ນສາມາດຖິ້ມປະສົບການທີ່ເຄີຍສັ່ງສົມມາເພື່ອເລີ່ມຕົ້ນສິ່ງໃໝ່ໄດ້ ຍັງສະທ້ອນໃຫ້ເຫັນເຖິງຄວາມເຊື່ອໝັ່ນໃນຕົວເອງໃນການປະເຊີນໜ້າກັບສິ່ງໃໝ່ໆ.

“ຂ້ອຍຄິດວ່າການທີ່ບໍ່ປຽບທຽບຕົນເອງກັບຄົນອື່ນເປັນສິ່ງທີ່ຊ່ວຍຂ້ອຍໄດ້ຫຼາຍ ບໍ່ວ່າຕອນເສັງເຂົ້າມະຫາໄລ ເສັງເຂົ້າເຮັດວຽກ ຫຼື ຕອນເຮັດວຽກກໍຕາມ ຂ້ອຍບໍ່ເຄີຍຈື່ໄດ້ວ່າຕົນເອງເອົາຄົນອື່ນມາເປັນເກນໃນການເລືອກເສັ້ນທາງ ເຊື່ອວ່າຖ້າປຽບທຽບຕົນເອງກັບຄົນອື່ນໃນໄວ 20ປີ ກໍຄືຈະຮູ້ສຶກກັງວົນ ແຕ່ການບໍ່ປຽບທຽບຕົນເອງກັບຄົນອື່ນເຮັດໃຫ້ເຮັດໄດ້ພຽງ 60% ຂອງເປົ້າໝາຍ ກໍຖືວ່າສຳເລັດແລ້ວ” (ທ່ານ ຢາມາໂມໂຕະ)