Yamamoto Foundation
ໂຄງການ Yamamoto Foundation ເປັນໂຄງການທີ່ສ້າງຂຶ້ນໂດຍ ທ່ານ ຢາມາໂມະໂຕະ ຮິໂລຊິ ຮ່ວມກັບ ບໍລິສັດ ລາຍລາວແລັບ ໄອຊີທີ ໂຊລູເຊິນ ຈຳກັດ ຈຸດປະສົງຂອງໂຄງການນີ້ ແມ່ນເພື່ອຢາກສົ່ງເສີມ, ພັດທະນາ, ຍົກລະດັບ , ສ້າງຄວາມເຂັ້ມແຂງ ແລະ ສ້າງຂະບວນການສຶກສາໃຫ້ແກ່ໄວໜຸ່ມລາວໃຫ້ມີຄວາມຟົດຟື້ນຂຶ້ນ ໂດຍການມອບທຶນການສຶກສາໃຫ້ແກ່ນັກສຶກສາ ຜູ້ທີ່ມີຄວາມຮູ້ຄວາມສາມາດໃນ ສ ປປລາວ.
ນັກສຶກສາໄດ້ຮັບທຶນຈຳນວນ 10 ຄົນ
ຫຼັງຈາກທີ່ທຶນຢາມາໂມໂຕະ ເປີດຮັບນັກສຶກສາແລ້ວ ຕອນນີ້ມີນັກສຶກສາທີ່ໄດ້ທຶນຈຳນວນ10ຄົນໂດຍຜ່ານການສຳພາດແລ້ວ.
ປະຫວັດການເຮັດວຽກຂອງທ່ານ ຢາມາໂມໂຕະ
ທ່ານ ຢາມາໂມໂຕະ ໄດ້ກໍ່ຕັ້ງບໍລິສັດຂື້ນໃນປີ 2000 ທີ່ມີຊື່ວ່າ: Bitlink ໂດຍ ເລີ່ມຕົ້ນຈາກການສ້າງເວບໄຊທ໌ ແລະ ພາຍຫຼັງໄດ້ປ່ຽນທຸລະກິດຫຼັກໄປເປັນການພັດທະນາເວບໄຊທ໌ເພື່ອຕອບຮັບການແຂ່ງຂັນໃນຕະຫຼາດ ທ່ານ ຢາມາໂມໂຕະໃຫ້ຄວາມສຳຄັນກັບການບໍລິຫານງານບົນພື້ນຖານ ທິດສະດີມະນຸດ ໂດຍເຊື່ອໝັ່ນໃນຄວາມໄວ້ວາງໃຈ ແລະ ການພຶ່ງພາຕົນເອງຊຶ່ງຈະເຮັດໃຫ້ມີອິດສະຫຼະ ແລະ ອຳນາດໃນການຕັດສິນໃຈ ແກ່ພະນັກງານຫຼາຍ ຄ່ານິຍົມຫຼັກຂອງ ທ່ານ ຢາມາໂມໂຕະແມ່ນ ຫາລ້ຽງຕົນເອງດ້ວຍແຮງຂອງຕົນ ເຊິ່ງເປັນແຮງພັກດັນສຳຄັນໃນການເລີ່ມຕົ້ນທຸລະກິດ ນອກຈາກນີ້ ການເລີ່ມຕົ້ນທຸລະກິດຍັງເປັນຊ່ອງທາງໃນການສຳພັດປະສົບການໃໝ່ໆ ແລະ ພັດທະນາຕົນເອງຢູ່ສະເໝີ.
ທ່ານ ວັນນະພາ ສຸດທິວົງ (ໂຕ່)
CEO ແລະ Co-Founder ບໍລິສັດ Lailaolab ICT Solutions.
- ຫົວໜ້າໂຄງການເວັບໄຊທ໌ LMI ສໍາລັບກະຊວງແຮງງານ ແລະ ສະຫວັດດິການສັງຄົມ
- ຫົວໜ້າໂຄງການລະບົບຕິດຕາມ ແລະ ຄວບຄຸມໂຄງການ ODA ສໍາລັບກະຊວງແຜນການ ແລະ ການລົງທຶນ
- ຫົວໜ້າໂຄງການພັດທະນາ Plugin Kingtone ສໍາລັບບໍລິສັດຍີ່ປຸ່ນ
- ຫົວໜ້າໂຄງການລະບົບບໍລິຫານການໃຫ້ເຊົ່າ ສໍາລັບສະຖາບັນການເງິນ
- ຫົວໜ້າໂຄງການແອັບບັນຊີອອມທອງຄໍາ ສໍາລັບ Khamphouvong
- ຫົວໜ້າໂຄງການ LocaPay ລະບົບຈ່າຍເງິນອອນໄລນ໌
- ໂຄງການ Labour Market Information System ຂອງ Hitachi Solutions ສໍາລັບປະເທດລາວ
- ໂຄງການອອກແບບລະບົບ e-Government ຂອງ Hitachi Solutions ສໍາລັບປະເທດລາວ
- ໂຄງການພັດທະນາແອັບບົວກຄົນສ່ວນຕົວ ຂອງ Hitachi Solutions
- ໂຄງການພັດທະນາລະບົບສື່ສານລະຫວ່າງລົດ (Vehicle to Vehicle Communication Module Development Project) ຂອງ Hitachi Solutions
ຈຸດປະສົງຂອງທຶນຢາມາໂມໂຕະ
ທຶນການສຶກສາ ຢາມາໂມໂຕະນີ້ ມຸ່ງເນັ້ນໄປທີ່ການສົ່ງເສີມການສຶກສາຂອງ ສ ປປລາວ ໃຫ້ມີຄວາມເຂັ້ມແຂງ ແລະ ເພື່ອເປັນການເປີດໂອກາດເດັກນ້ອຍທີ່ຂາດໂອກາດໄດ້ເຂົ້າເຖິງການສຶກສາ, ສົ່ງເສີມ, ພັດທະນາ ແລະ ຍົກລະດັບ ການສຶກສາ ໃຫ້ແກ່ໄວໜຸ່ມລາວໃຫ້ກ້າວໄກຂຶ້ນ.
