ກອງທຶນຢາມາໂມໂຕະ ແມ່ນເກີດຂື້ນມາຫຼັງຈາກທີ່ ທ່ານ ຢາມາໂມໂຕະໄດ້ມາ ຢ້ຽມຢາມປະເທດລາວ ໃນປີ 2023 ເພິ່ນໄດ້ເກີດມີຄວາມຄິດຢາກສົ່ງເສີມການຮຽນ ການສຶກສາ ຂອງນັກສຶກສາລາວ, ຫຼັງຈາກທີ່ເພິ່ນຮູ້ຈັກກັບ ຜູ້ບໍລິຫານ ບໍລິສັດ Lailaolab ທີ່ມີຊື່ວ່າ " ທ່ານ ວັນນະພາ ສຸດທິວົງ (ໂຕ່)" ທີ່ໄດ້ໂອ້ລົມກັນເລື່ອງສະພາບເສດຖະກິດ ການສຶກສາຂອງ ສ ປປລາວ ແລ້ວກໍເຫັນດີທີ່ຢາກຈະສົ່ງເສີມໃຫ້ຂະບວນການສຶກສາໃນລະບົບ ຂອງ ສ ປປລາວ ມີຄວາມເຂັ້ມແຂງ ແລະ ຟົດຟື້ນຂຶ້ນ ຈຶ່ງມີແນວຄິດຢາກມອບທຶນການສຶກສາໃຫ້ນັກສຶກສາລາວ ເພື່ອທີ່ຈະເປັນການສົ່ງເສີມນັກສຶກສາລາວ ໃນມີຄວາມພ້ອມ ໃນການສຶກສາຂອງເຂົາເຈົ້າ ແລະ ເປັນການຊ່ວຍເຫລືອລະບົບການສຶກສາໃນະລະບົບໃຫ້ມີການເຂົ້າເຖິງຫລາຍຂຶ້ນ.

ເຊິ່ງການມອບທຶນການສຶກສານີ້ແມ່ນໄດ້ມີການຄັດເລືອກເອົາບັນດານັກສຶກສາທີ່ມີຄວາມຮູ້ຄວາມສາມາດ, ແຕ່ຍັງຂາດການສະໜັບສະໜູນໂດຍຈະແບ່ງການຄັດເລືອກເປັນ 2 ຮອບຄື: ຮອບການສົ່ງເອກະສານສະໝັກ ແລະ ຮອບສໍາພາດ. ໄດ້ມີນ້ອງໆນັກສຶກສາຜ່ານການຄັດເລືອກ 10 ຄົນ, ເປັນນັກສຶກສາທີ່ອາໄສຢູ່ນະຄອນຫຼວງ 08 ຄົນ ແລະ ເປັນນັກສຶກສາທີ່ອາໄສຢູ່ແຂວງຫຼວງພະບາງ 02 ຄົນ, ເຊິ່ງໄດ້ຈັດພິທີມອບຮັບທຶນ ໃນວັນທີ 29 ເດືອນ ມີນາ ປີ 2024, ເຊິ່ງໄດ້ຮັບກຽດຈາກ ທ່ານ ໂຢຊິຮາຣຸ ໂຢເນຢາມະ (ຕໍາແຫນ່ງ) ແລະ (ຊື່ທ່ານຮອງ) ຮອງຜູ້ອໍານວຍການ ສະຖາບັນເຕັກໂນໂລຊີ ຂໍ້ມູນຂ່າວສານ ການສື່ສານ ເຂົ້າຮ່ວມເປັນປະທານເປີດພິທີ ທີ່ສະຖາບັນເຕັກໂນໂລຊີ ຂໍ້ມູນຂ່າວສານ ການສື່ສານ.

ຫຼັງຈາກທີ່ເປີດຮັບແລ້ວ ກໍມີນໍາພານັກສຶກສາຜູ້ທີ່ໄດ້ຮັບທຶນດໍາເນີນກິດຈະກໍາທຸກໆເດືອນເພື່ອເປັນການແລກປ່ຽນຄວາມຮູ້ ແລະ ສ້າງຄວາມສະໜິດສະໜົມເຊິ່ງກັນ ແລະ ກັນຫຼາຍຂຶ້ນເຊັ່ນ: ການເຮັດບົດລາຍງານປະຈໍາເດືອນເພື່ອເປັນການສອບຖາມຊີວິດການເປັນຢູ່ຂອງນັກສຶກສາຜູ້ໄດ້ຮັບທຶນ, ທັງນີ້ຍັງມີການຈັດກິດຈະກໍາຊ່ວຍເຫຼືອສັງຄົມເຊັ່ນ: ການບໍລິຈາກເຄື່ອງຊ່ວຍເຫຼືອສັງຄົມ, ການສ້າງສະພາບແວດລ້ອມທີ່ດີໂດຍການບໍ່ຖິ້ມຂີ້ເຫຍື້ອຊະຊາຍເປັນຕົ້ນ.

ທ່ານ ຢາມາໂມໂຕະ ຮິໂລຊິ, ເປັນນັກທຸລະກິດຍີ່ປຸ່ນທີ່ມີຄວາມຮູ້ ແລະ ຄວາມຊ່ຽວຊານໃນຖານະ ເປັນວິສະວະກອນຊອບແວ, ເຊິ່ງໄດ້ມີທຸລະກິດທີ່ມີຊື່ວ່າ " BitLink " ເຮັດຮ່ວມກັບເພື່ອນນັກທຸລະກິດນໍາກັນ ໂດຍມີແນວຄິດທີ່ວ່າ: "ຈຸດເລີ່ມຕົ້ນຂອງບໍລິສັດບໍ່ແມ່ນຢູ່ທີ່ວ່າ ຈະເຮັດຫຍັງ ແຕ່ ແມ່ນຢູ່ທີ່ວ່າຈະເຮັດຮ່ວມກັບໃຜ " ເປັນບໍລິສັດຜະລິດເວັບໄຊທ໌ ແລະ ໜຶ່ງປີຫຼັງຈາກກໍ່ຕັ້ງກໍໄດ້ປ່ຽນເປັນບໍລິສັດພັດທະນາເວັບໄຊທ໌. ເຊິ່ງໃນຊ່ວງເປັນເດັກນ້ອຍ-ມັດທະຍົມຕອນປາຍໄດ້ອາໄສໃນເມືອງ ຮານາມັດສຶ ແຂວງຊິຊູໂອກະ ແລະ ໄດ້ຍ້າຍໄປອາໄສຢູ່ໂຕກຽວເພື່ອໄປສຶກສາທີ່ ມະຫາໄລໂຮເຊ ໃນສາຂາ ວິສະວະກໍາເຄື່ອງຈັກ ແລະ ທ່ານ ຢາມາໂມໂຕະຍັງມັກໃນການເປັນນັກຂຽນອີກດ້ວຍ.

ບົດທີ 01

ບົດທີ 02

ບົດທີ 03

ບົດທີ 04

ບົດທີ 05

ບົດທີ 06

ບົດສົ່ງທ້າຍ

ບໍລິສັດລາຍລາວແລັບກໍ່ຕັ້ງຂຶ້ນໃນປີ 2019 ໂດຍມີຜູ້ຮ່ວມກໍ່ຕັ້ງ​​ 3 ທ່ານຄື:

ລາຍລາວແລັບ ໄອຊີທີ ໂຊລູເຊິນ ຈໍາກັດ ສັນສ້າງນະວັດຕະກໍາເຕັກໂນໂລຢີຊັ້ນນໍາທີ່ສ້າງການປ່ຽນແປງແກ່ສັງຄົມລາວ. ສະໜອງ ICT Solutions ທີ່ຕອບໂຈດຕາມຄວາມຕ້ອງການຂອງລູກຄ້າ ທັງພາຍໃນ ແລະ ຕ່າງປະເທດ,​ ບໍລິການ ໃຫ້ຄໍາປຶກສາ, ອອກແບບລະບົບ, ພັດທະນາລະບົບ ແລະ ດູແລຮັກສາລະບົບ. ພັດທະນາລະບົບທີ່ຫຼາກຫຼາຍເຊັ່ນ: ແອັບພລິເຄຊັ່ນເທິງມືຖື, ການພັດທະນາເວັບໄຊທ໌ ແລະ ຊອບແວອື່ນໆ, ທີ່ມີວິໄສທັດໃນການເປັນຜູ້ນໍາ ແລະ ສ້າງແຮງບັນດານໃຈໃນການຂັບເຄື່ອນອຸດສາຫະກໍາ ICT ທີ່ສ້າງສັນໃນປະເທດລາວ ເພື່ອສົ່ງເສີມການເຕີບໂຕດ້ານດິຈິຕອນ ແລະ ຄວາມກ້າວໜ້າທາງດ້ານເຕັກໂນໂລຊີ , ທັງນີ້ຍັງເປັນຜູ້ສ້າງສັນຜົນງານກິດຈະກໍາພາຍນອກເຊັ່ນ: ເຈົ້າແຄນເດບ, ເດບທົວລາວ ເພື່ອຄົ້ນຫາຜູ້ທີ່ມີພອນສະຫວັນທາງດ້ານນີ້ໄດ້ສະແດງຄວາມສາມາດ ແລະ ໄດ້ພັດທະນານ້ອງໆເຂົ້າມາເຮັດວຽກເປັນສ່ວນໜຶ່ງໃນບໍລິສັດ ແລະ ຍັງໄດ້ສົ່ງເສີມໃຫ້ສາມາດເປັນຜູ້ບັນຍາຍໃນງານຕ່າງໆໄດ້ອີກດ້ວຍ. ນອກນີ້, ຍັງໄດ້ມີການຝຶກອົບຮົບທາງດ້ານ ICT, ເປົ້າໝາຍເພື່ອເປັນພື້ນທີ່ແຫ່ງເຕັກໂນໂລຊີໃຫ້ກັບຄົນຮຸ່ນໃໝ່ ໃນການເປີດມຸມມອງ, ສ້າງເຄື່ອຂ່າຍ ແລະ ແລກປ່ຽນຄວາມຮູ້ດ້ານໄອຊີທີ, ເພື່ອເສີມສ້າງບຸກຄະລາກອນດ້ານ ICT ໃນລາວໃຫ້ພົ້ນເດັ່ນ ແລະ ມີທັກສະຄວາມສາມາດໃນລະດັບສາກົນຍິ່ງຂຶ້ນ.

ນອກນີ້,​ ລາຍລາວແລັບ ຍັງເປັນໂຕກາງລະຫວ່າງຜູ້ໃຫ້ທຶນ ແລະ ນັກສຶກສາທີ່ໄດ້ຮັບທຶນເຊັ່ນ: ໃຫ້ນ້ອງໆໄດ້ເຂົ້າເຖິງການຮຽນການສຶກສາ, ນໍາພາຈັດກິດຈະກໍາຊ່ວຍເຫຼືອສັງຄົມ, ຈັດກິດຈະກໍາທຸກໆເດືອນເພື່ອເປັນການແລກປ່ຽນຄວາມຮູ້ ແລະ ສ້າງຄວາມສະໜິດສະໜົມເຊິ່ງກັນ ແລະ ກັນຫຼາຍຂຶ້ນ.